“Shekspiri zbret në Vlorë”, festivali ndërkombëtar i teatrit vjen në Shqipëri

Në teatrin e Vlorës ka çelur siparin festivali teatror me titull “Shekspiri në Vlorë”. Trupat pjesëmarrëse nga të gjitha trojet shqipfolëse performuan për publikun duke rrëmbyer duartrokitjet e sallës.

Pjesë e këtij festivali ishte edhe Franco Ferrante nga Teatri Publik i Puljas në Itali.

Regjisori Kristaq Skrami, foli për organizimin e shfaqjeve duke dhënë më shumë detaje se çfarë përmbajnë këto shfaqje.

Në fund të shfaqjes pati vlerësime për trupat performuese. Një certifikatë mirënjohje dhe mbi të gjitha një trofe që mban emrin dhe figurën e të madhit “Sheakspeare” akorduar nga teatri i Vlorës.

Aktiviteti kulturor erdhi si bashkëpunim I Teatrit “Petro Marko” me qendrën “Sheakspeare” për të sjellë në qytetin bregdetar festivalin ndërkombëtar.