Shëndetësi shtohen infarktet e zemrës, mjeku: 1/3 pa shenja paralajmëruese

Personat që vuajnë nga sëmundje kardiovaskulare janë rritur në dekadën e fundit, duke rritur kështu edhe riskun për infarkte apo arrest kardiak. Mjekët kardiolog thonë se faktorët janë të shumtë por kur flitet për moshat e reja, faji bie mbi jetën sedentare.

 “Sa më shumë shtohet mosha, aq më shumë shtohet propabiliteti, me moshën, është 1 plakja e organizmit, na pëlqen apo jo, shtohen sëmundjet kardiovaskulare, shuhet diabeti. Gjithnjë e më i shpeshtë në popullatë , fatkeqësisht, diçka që nuk ka qenë 20-30 vjet më parë, është sindromi metabolik, individ që janë sedentar. Në % krahasuar me vitet ’90-2000 kjo kategori është shtuar dhe tek ne numri i infarkteve në mosha më të reja është në shtim”,-tha aurel Demiraj.

Megjithatë Shqipëria renditet në vendet me incidencë të ulët të sëmundjeve kardiake në popullatë.

“Serbia ka më shumë se ne, Bullgaria po ashtu. Dalë ngadalë po shkojmë në të njëjtin trend  që ka Europa. Me plakjen e popullatës, ndryshimin e llojit të ushqimit, pakësim i aktiviteti sportiv”,-tha Demiraj.

Por a na paralajmëron një infarkt në momentin që do ndodh?

 “Diku te 1/3 e pacientëve që do bëjnë infarkt miokardi nuk kanë asnjë shenjë deri në momentin që bëjnë infarktin e tyre të miokardit. 2/3 do bëjnë shenja paraprake me ndjesi dhimbje në gjoks, shtrëngimi marrje të frymës”,-tha Aurel Demiraj, kardiolog ne QSUT.

Kardiologu thotë që personat e shëndetshëm pa histori familjare dhe që bëjnë aktivitet fizik nuk duhet të tremben për goditje të papritura të zemrës, ai thotë se ekzaminimi pa shkak nuk është i dobishëm. Por nëse keni shenja të sëmundjes mos i neglizhoni.

LEXONI GJITHASHTU:

• “Qëndrimet, i dini”- Abdixhiku flet sërish për ftesën e Kurtit për të qeverisur
• Ekstradimi i Çapjas, Lala: Dubai jo më vend i sigurtë për personat e botës së krimit