Një ngjarje e rëndë ka ndodhur pasditen e kësaj të hëne në kryeqytet, ku një 40-vjeçar ka goditur me thikë tre persona në ambientet e një lokali në Laprakë.
Burime bëjnë me dije se shtetasi 64-vjeçar Viktor Rrapollari, ka marrë një goditje me thikë në zemër dhe ndodhet në intubim, në gjendje të rëndë për jetën.
E plagosur ka mbetur dhe vajza e tij 40-vjeçare dhe një shtetas italian.
Policia dhe grupi hetimor ndodhen në vendngjarje dhe po punojnë për zbardhjen e rrethanave të ngjarjes.
“Më datë 03.04.2023, në Laprakë, në një lokal, shtetasi E. M., 40 vjeç, dyshohet se ka goditur me mjet prerës shtetasit V. Rr., 64 vjeç, R. Rr., 40 vjeç dhe shtetasin M. M., 47 vjeç. Si pasojë 3 shtetasit janë dëmtuar dhe ndodhen në spital, nën kujdesin e mjekëve”, njofton policia.
LEXONI GJITHASHTU:
- Thika i prek zemrën, detaje nga plagosja në Laprakë, e lënduar vajza e një italian
- Shtrenjtohen shtëpitë në Durrës, kërkesa e të huajve ndikon në rritjen e çmimeve