Sherr mes disa personave në Dibër, qëllohet punonjësi i Kadastrës. 2 të proceduar

Shërbimet e Komisariatit të Policisë Mat, pas marrjes së njoftimit për një konflikt mes disa shtetasve, në qendër të qytetit të Burrelit, kanë shkuar menjëherë në adresën e dhënë dhe kanë shoqëruar në ambientet e Komisariatit të Policisë Mat, disa shtetas të përfshirë në këtë konflikt.

Një sherr mes disa personave ka ndodhur në qendër të qytetit të Burrelit ditën e diel. Policia bën me dije se ka nisur procedimi penal për shtetasit S. R., 49 vjeç dhe E. R., 21 vjeç, babë e bir, si dhe për shtetasin A. M., 21 vjeç, i cili është shpallur në kërkim.

Këta shtetas, në bashkëpunim me njëri-tjetrin, më datë 07.05.2023, rreth orës 22:00, në qytetin e Burrelit, kanë goditur me grushte dhe me mjete të tjera, për shkak të detyrës, shtetasin H. S., me detyrë përgjegjës i Zyrës së Agjencisë Shtetërore të Kadastrës, dega Mat, i cili ka pësuar dëmtime të lehta fizike.

Si pasojë e këtij konflikti, ka mbetur i dëmtuar dhe shtetasi E. S., 36 vjeç, banues në Burrel, me detyrë kryetar i njësisë administrative Rukaj, i cili ka ndërhyrë për të neutralizuar konfliktin.

Sipas policisë shtetasit e proceduar penalisht i kërkuan punonjësit të Kadastrës që të regjistronte një pronë e cila është në proces gjyqësor.

Policia dhe grupi hetimor po vijon punën për zbardhjen e plotë të rrethanave të ngjarjes, ndërkohë që materialet në ngarkim të tre personave të sipërpërmendur i kaluan prokurorisë për veprime të mëtejshme.

LEXONI GJITHASHTU: 

• Makina e parkuar rrëshket dhe vret një person, pranga pronarit të mjetit në Bulqizë
• Makina përplas këmbësoren, plagoset 55-vjeçarja në Shkodër
• Vrasja e 16-vjeçares nga babai shqiptar në Itali, reagon drejtoresha e shkollës