“Shevchenko” nën kontrollin e rusëve, Moska drejt marrjes së qytetit kyç në Donetsk

Trupat ruse kanë marrë kontrollin e fshatit Shevchenko në rajonin lindor të Donetsk-ut, në Ukrainë, sipas një deklarate të Ministrisë së Mbrojtjes të Rusisë. Fshati ndodhet rreth 20 kilometra në veri të qytetit strategjik Pokrovsk, një qendër kryesore logjistike për forcat ukrainase.

Ndërkohë që Ukraina nuk ka konfirmuar zyrtarisht këtë pretendim, zyrtarët ukrainas kanë raportuar për përparime ruse në zonat përreth Pokrovsk gjatë ditëve të fundit. Blogerët pro-rusë të luftës kanë raportuar se, që nga e premtja, forcat e Moskës ishin vetëm një milje larg Pokrovskut.

Kapja e Pokrovskut është një objektiv i rëndësishëm për strategjinë ushtarake të Rusisë, pasi ky qytet do të lejonte Moskën të ndërpresë linjat e furnizimit të Ukrainës në frontin lindor. Marrja e Pokrovskut gjithashtu do të përshpejtonte fushatën ruse për të kapur qytetin Chasiv Yar, një zonë me rëndësi gjeografike për shkak të pozicionit më të lartë dhe potencialit për të kontrolluar një territor më të gjerë në Donbas.

Luftimet intensive në rajonin e Donetsk-ut tregojnë përpjekjet e vazhdueshme të Rusisë për të përparuar në lindje të Ukrainës.

LEXONI GJTHASHTU:

• Zelensky kërkon një fund diplomatik të luftës me Rusinë
• Zelensky: 43.000 ushtarë ukrainas janë vrarë në luftë