“Shfaqin zemërim e janë antisocial”, sociologia: Si ndikon virtualiteti te të rinjtë

Sociologia Entela Binjaku e ftuar në Euronews Albania, tha se rrjetet sociale ndikojnë shumë në jetën e të rinjve dhe bëhet shkak që ata të shfaqin agresivitet.

Sipas saj ndodh shpesh që të rinjtë pasi kalojnë një kohë të gjatë në platformat virtuale zhgënjehen nga mundësitë e pakta që u ofron realiteti, ndaj shpesh ata shfaqin zemërim dhe sjellje antisociale.

“Duke parë virtualitetin nga një anë dhe duke parë mundësitë e vogla në realitet është rritur në shkallë të madhe te këta të rinj edhe shkalla e pakënaqësisë ndaj realitetit dhe shpesh herë ata e shpërfaqin këtë zemërim edhe me tone të forta të sjelljeve antisociale.

Edhe në rastin që ne jemi duke folur sado që keqardhja është jashtëzakonisht e madhe, se nuk është në hall vetëm një familje që i iku fëmija, por edhe për familjet e tjera që kanë fëmijë që janë në vështirësi të paimagjinueshme për moshën e tyre. Edhe në këtë rast shkaku ishte kaq banal dhe vinte sërish nga virtualiteti”,-tha Entela Binjaku.

LEXONI GJITHASHTU:

• Pse të rinjtë po goditen me thika? Psikologia rendit disa nga shkaqet kryesore
• “E dashura e viktimës, nuk ngacmohej nga autori”- detaje nga vrasja e 20-vjeçarit