Shfaqja “Dëshira e Tretë”, një pjesë artistike me mesazhe emancipuese

Aktorët e teatrit “Petro Marko” shfaqën këtë fundjavë në Fier komedinë “Dëshira e tretë”, një vepër që me anë të satirës dhe ironisë tregon problemet e familjes shqiptare.

“Dëshira e tretë ” kjo ishte shfaqja që trupa e teatrit Petro Marko nga qyteti i Vlorës shfaqi për publikun në Fier. Përmes një fabule të njohur si llamba e Aladinit dhe Xhindi që plotëson dëshirat komedia sjell situata sa komike, por edhe përplasje të shumta që dëshmojnë më së miri mjaft aspekte te familjes dhe shoqërisë në ditët e sotme. Sipas aktorit Astrit Mamaj kjo pjesë ka një përputhje të mirë me realitetin dhe përçon mesazhe te rëndësishme falë edhe lojës së mirë të aktorëve.

Ndërkohë regjisori i shfaqjes Roland Minga flet për mesazhet deri diku therëse për publikun, por që e bëjnë atë të reflektojë ndërsa ka preferuar të luajë me simbolikën dhe dinamikën skenike të aktorëve.

Deri në fund të shfaqjes familja nuk e gjeti një dëshirë të përbashkët për Xhindin, duke e kthyer serish në llambën e vet.

Publiku Fierak ka mirëpritur lojën e aktoreve ndërsa ka marrë me vete mesazhet emancipuese të kësaj pjese artistike.

LEXONI GJITHASHTU:

• Rita Gjeka thirrje për një teatër të dytë: Nuk na del një, shfaqjet janë të shpeshta
• Sezon i ri artistik në teatër me të njëjtin buxhet, shfaqje për të gjitha moshat