Shiu përmbyt Shkodrën, mjaftojnë 20 minuta reshje për të krijuar kolaps në qytet

Reshjet e shiut të rëna në 24 orët e fundit në qytetin e Shkodrës kanë përmbytur qendrën e qytetit. Si pasojë e reshjeve intensive uji ka kaluar 20 apo 30 cm duke shkaktuar kështu problematike në lëvizjen e qytetarëve por dhe në bllokimin për disa çaste të lëvizjes së automjeteve.

Punonjës të ujësjellës kanalizime ndodhen në terren dhe po bajmë të mundur normalizimin e situatës ndërsa sipas parashikimeve pritet që deri në orët e mbrëmjes reshje intensive shiu në të gjithë qarkun e Shkodrës.

Reshjet e rëna kanë shkaktuar vështirësi edhe në qarkullimin e automjeteve në qytet.

Problematike paraqitet situata edhe në rrugën që të çon tek sheshi ‘Isa Boletini’ në Parrucë.

Kjo është hera e dytë që në pak kohë si pasojë e sasisë së lartë të reshjeve, rrugët e qytetit të Shkodrës përmbyten.

Për shkak se parashikimet e motit tregojnë se dita e mërkurë dhe e enjte do jënë me reshje shiu, emergjencat civile në Shkodër janë mobilizuar për të përballuar situatën që mund të krijohet.

LEXONI GJITHASHTU:

• Sa janë investimet turke në Shqipëri, sektorët ku shtrihen dhe bilanci tregtar
• Prindër të një djali një vjeç, Al Pacino ndahet nga e dashura e tij 54 vite më e re