Shiu ‘pushton’ vendin, mbyllen shkollat në Lezhë, si paraqitet situata Shkodër

Reshjet e dendura të shiut kanë përfshirë prej tre ditësh vendin tonë.

Gazetarja Ortensa Budlla nga Lezha raporton se situata në Lezhë është problematike, ku për pasojë disa shkolla janë mbyllur duke qenë se qarkullimi për shkak të ujit që ka mbuluar rrugët është i pamundur.

Ndërsa gazetari Teodor Gjerga nga Shkodra bën me dije se në zonën e Obotit ka rritje të sipërfaqes së tokës së përmbytur. Uji në këto sipërfaqe ka arritur rreth 50 centimetra.

Problematikë mbeten dhe situata në zonat malore ku kanë nisur reshjet e dëborës.

Zona më problematike mbetet dhe në Theth ku ka pasur orteqe të shumta dëbore. Si pasojë rruga është e bllokuar.  ARRSH po ka ndërhyrë me mjetet përkatëse për të bërë zhbllokimin e rrugës.

LEXONI GJITHASHTU: 

• Zelensky thotë se Ukraina do të rimarrë Krimenë
• VIDEO-LAJM/ Qytetari në Lezhë sfidon përmbytjen me tabaka për të transportuar kafet