Shkatërron traun e hotelit dhe përplas makinën e policisë, arrestohet 42-vjeçari

Një 42-vjeçar është arrestuar nga policia e Tiranës pasi shkatërroi traun e parkimit të një hoteli, si dhe kundërshtoi punonjësit e Policisë që shkuan për të arestuar.

Shtetasi në fjalë u raportua se në orën 02:20 të mëngjesit të së hënës dëmtoi traun e parkimit të një hoteli në rrugën “Abdi Toptani”. Pasi biznesi njoftoi policinë, unfiformat blu shkuan për ta neutralizuar, por që hasën në rezistencë. 42-vjeçari përplasi me automjetin e tij dhe makinën e efektivëve të policisë.

Në vijim të veprimeve procedurale u bë arrestimi në flagrancë i tij dhe materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

“Shërbimet e Komisariatit të Policisë Nr. 1, në vijim të punës për garantimin e rendit dhe sigurisë në territor, ditën e sotme, rreth orës 02:20, pas marrjes së njoftimit se në rrugën “Abdi Toptani”, një shtetas kishte dëmtuar traun e parkimit të një hoteli dhe po kryente veprime të dhunshme, menjëherë kanë kaluar në adresën e dhënë, për sqarimin e rrethanave të rastit dhe për shoqërimin e autorit të dyshuar.

Shërbimet e Policisë, sapo kanë kaluar në këtë adresë, kanë konstatuar shtetasin A. Ll., 42 vjeç, banues në Tiranë, i cili gjatë shoqërimit ka kundërshtuar me dhunë punonjësit e Policisë dhe ka dëmtuar automjetin e tyre”, thueht në njoftimin e policisë.

LEXONI GJITHASHTU:

• Goditen “bandat e bebeve” në Itali, 50 të arrestuar për krime të dhunshme dhe drogë
• Shisnin drogë pranë shkollave, arrestohen 2 persona në Lezhë