Sezoni veror rriti ndjeshëm fluksin e qarkullimit të automjeteve kryesisht në rrugët kombëtare në Qarkun e Gjirokastrës. Sipas Policisë Rrugore gjatë muajit gusht u ndëshkuan me masa administrative 2 457 drejtues mjetesh për shkelje të ndryshme të Kodit Rrugor.
Gjithashtu janë arrestuar në flagrancë 7 drejtues mjetesh dhe janë proceduar penalisht 6 të tjerë, për veprat penale “Drejtimi i mjeteve në mënyrë të parregullt” dhe “Shkelja e rregullave të qarkullimit rrugor”.
Gjatë sezonit veror, për shkak të fluksit të shtuar të automjeteve, Policia Rrugore rriti prezencën dhe përforcoi kontrollet dhe monitorimin, me fokus rritjen e parametrave të sigurisë rrugore dhe parandalimin e çdo lloj shkeljeje që mund të bëhej shkak për aksidente.
Numrin më të lartë të gjobave të vendosura për shoferët e zënë ato për shpejtësi mbi normat e lejuara, për të vazhduar me parkimet e gabuara, parakalime të gabuara, mosvënie të rripit të sigurimit nga drejtuesit e automjeteve, etj. Kontrollet e shtuara nga blutë e rrugores do të vijojnë, në të gjitha akset rrugore urbane, interurbane dhe rurale në Qarkun e Gjirokastrës me qëllim rritjen e parametrave të sigurisë rrugore dhe evitimin e aksidenteve.
LEXONI GJITHASHTU:
- Rreth 600 qytetarë ankohen për mjekët, vetëm 110 kanë kaluar për gjykim disiplinorë
- “Nuk ka më kredi të shpejta”- Sejko: Klientët e mikrofinancës do të analizohen
