Shkëndija mposhtet nga Qarabag, gjithçka e hapur për duelin e kthimit

Shkëndija është mposhtur nga Karabag në ndeshjen e parë të raundit të tretë kualifikues të Çempions Lig. Dueli i luajtur në Shkup u mbyll në shifrat 0-1.

Sfida e parë ndaj Qarabag rezultoi më e vështirë nga sa pritej për Shkëndijën e cila pësoi një humbje me rezultat minimal, ndërsa gjithcka u zgjidh që në fraksionin e parë. Loja ishte thuajse e balancuar përgjatë 90’ minutave, por ishte një penallti e kthyer në gol nga azerët ajo që vulosi fatin e takimit. Qarabag arriti të sigurojë shumë shpejt avantazhin, pasi Ëebster kryeu një ndërhyrje të parregullt brenda zonës së rreptësisë së vendësve.

Gjyqtari akordoi penallti e cila u shndërrua në gol nga Bayramov që mposhti portierin Gaye. Pjesa e parë u mbyll 0-1 për Qarabag, ndërsa në fraksionin tjetër Shkëndija luajti shumë më mirë, madje duke krijuar disa raste shënimi, por pa rezultat. Zëvendësimet e kryera nga trajneri Jeton Beqiri sollën më tepër freski, por jo ndryshim të shifrave, duke bërë që sfida e parë e raundit të tretë kualifikues të mbyllet 0-1.

 “Besoj që vendosi një pakujdesi e jona, të jemkorrekt Qarabag pati rastet e veta, dhe ne, asnjë nuk i shfrytëzoi, ata shfrytëzuan vetëm pakujdesinë tonë”.– Jeton Beqiri, Trajner i Shkëndijës.

Ndeshja e kthimit në Azerbajxhan luhet më 12 gusht.

LEXONI GJITHASHTU:

• Champions League, short i favorshëm për Tiranën, shmangen Makabi, Astana dhe Qarabag
• Shorti i Conference League, ekipet shqiptare njohin kundërshtarët