Shkodra në dhimbje për Ditën e Luleve, Qyteza: Kënga u kthye në pikëllim

QNë Ditën e Luleve në Shkodër, qytetarët janë bashkuar dhe kanë hedhur lule në ujërat e lumit Buna aty ku u ndërpre ne mes jeta e nënës Alma Arrazi dhe 3 fëmijëve të saj.

Shkodra do të festonte këtë të hënë, 6 maj, festën e luleve, një festë e cila zbeh nga tragjedia që përfshiu qytetin verior, ku 39-vjeçarja Alma Arrazi dhe 3 fëmijët e saj u mbytën në ujërat e lumit Buna.

Qytetarë të shumtë zgjodhën të hidhnin lule në ujëtar e Bunës për të shprehur solidaritetin e tyre me ngjarjen e ndodhur.

Nënkryetarja e Bashkisë Shkodër Teuta Qyteza tha se sot festa në Shkodër u kthye në një pikëllim për të gjithë qytetin për shkak të ngjarjes së ndodhur. Ajo tha se shpreson ende që nëna me dy fëmijët e tjerë të gjenden ende të gjallë.

“Nemi sot të gjithë bashkë në këtë ditë që Shkodrës i fali 6 majin, ditën e luleve, në kërkim të disa luleve që u shkëputën tragjikisht nga jeta. Në qytetin e Shkodrës është bërë traditë që 6 maji të festohet me fëmijë, me lule, me koncerte, me këngë, me recitime, por sot të gjithëve u mungonte diçka thelbësore shpirtërore. Është ky kërkim që vazhdon ende të bëhet sepse ende nuk janë gjetur tre trupa, për të cilën asgjë s’na ndalon të shpresojmë se mund t’i gjejmë gjallë, por ama e kemi Eriseldën të gjetur të pajetë që sot përcillet në banesën e fundit.

Si nanë, si grua, si përfaqësuese e bashkisë Shkodër ndihem shumë e trishtuar dhe e pikëlluar se pikërisht në këtë ditë të caktuar për festë, ku organizoheshim të gjithë na ndodhi ky pikëllim. Lutemi për Eriseldën që të pushojë në paqedhe që nëna me dy fëmijët e tjerë të gjenden, të vazhdojnë jetën dhe të mos kemi më të tilla ngjarje”, tha nënkryetarja Qyteza.

LEXONI GJITHASHTU:

• Tragjedia në Shkodër, Karamuço: Turp, 2 varka! Kaq vlen jeta e gruas me 2 fëmijë?
• Ngjarja e rëndë në Shkodër, Spiropali: Drejtësia të jetë e pamëshirshme ndaj dhunës!