Shkon në 551 numri i viktimave nga COVID në Maqedoninë e Veriut

Gjatë 24 orëve të fundit, Maqedonia e Veriut ka kryer 1 902 teste nga ku janë zbuluar 108 raste të reja pozitive me COVID-19.

Ndërkohë dy pacientë nga Kumanova të moshës 64 dhe 72 vjeç, kanë ndërruar jetë, duke e çuar në total numrin e viktimave në 551 persona.

Instituti i Shëndetit Publik bën të ditur se, 112 pacientë kanë lënë spitalin gjatë ditës së sotme pasi janë shëruar nga virusi.

Në total, Maqedonia e Veriut ka kryer mbi 130 mijë teste nga ku janë zbuluar më shumë se 13 mijë persona të infektuar. Nga këta 9 625 janë shëruar kurse 2900 mbeten raste aktive.

Maqedonia e Veriut deri tani numëron numrin më të lartë të viktimave për numër popullsie për shkak të COVID-19.

Vendi me popullsi prej 2 milionë banorë sipas analizave është dëmtuar shumë për shkak se gjatë përballjes me pandeminë gjendej në fushatë zgjedhore dhe drejtohej nga një qeveri teknike.

Vendi që është goditur më lehtë nga COVID-19 deri tani nga rajoni është Greqia, e cila ka 232 raste vdekjeje. Serbia e cila ka një popullsi më të vogël në numër, ka gati trefishin e vdekjeve.