Shkrimtari Gëzim Aliu nderohet me çmimin “Jakov Xoxa”

Shkrimtari nga Kosova, Gëzim Aliu, është vlerësuar me çmimin “Jakov Xoxa”, si një nga zërat e spikatur të prozës bashkëkohore shqiptare.

Sipas jurisë, ai është vlerësuar për krijimtarinë origjinale dhe kontributin në zhvillimin e mendimit kritik në kulturën shqiptare.

Aktiviteti nisi me një homazh për akademikun Rexhep Qosja, i cili u nda nga jeta pak ditë më parë, duke vlerësuar rolin e tij në këtë çmim.

Themeluesi i çmimit, Agron Xoxa, shprehu mirënjohje për pjesëmarrësit, ndërsa Drejtoresha e Qendrës Kombëtare të Librit dhe Leximit, Arta Marku, theksoi rëndësinë që ka ky çmim në promovimin e letërsisë shqipe.

Gjatë mbrëmjes, aktorët interpretuan pjesë nga veprat e finalistëve, duke i dhënë një dimension artistik aktivitetit.