Fitoi çmimin “Booker”, Paul Lynch “zbulon” të ardhmen e Irlandës në librin destopik

Çmimi Booker është një nga çmimet më prestigjioze të Britanisë për letërsinë artistike dhe Paul Lynch do të marrë rreth 50,000 euro si fitues i tij.

Shkrimtari irlandez Paul Lynch ka fituar çmimin Booker të Britanisë me romanin e tij distopik “Prophet Song”, një vepër e cilësuar nga gjyqtarët si “shpirt-tronditëse”.

Është një rrëfim për luftën e një gruaje për të mbrojtur familjen e saj ndërsa Irlanda shembet në totalitarizëm dhe luftë.

“Kënga e Profetit”, flet për një Irlandë të së ardhmes së afërt që zbret në totalitarizëm, e më pas një luftë civile që çon në ikjen e familjeve nga vendi.

Shkrimtarja kanadeze Esi Edugyan, e cila kryesoi panelin e gjykimit, tha se libri është “një triumf i tregimit emocional, i guximshëm” në të cilin Lynch “nxjerrë bëmat e gjuhës që janë mahnitëse për t’u dëshmuar”.

Lynch, 46 vjeç, ishte i preferuari i jurisë për të fituar çmimin prestigjioz, me vlerë 50,000 euro, i cili zakonisht sjell një rritje të madhe në shitje.

Libri i tij mundi pesë finalistë të tjerë nga Irlanda, MB, SHBA dhe Kanada, të zgjedhur nga 163 romane të paraqitura nga botuesit.

LEXONI GJITHASHTU:

• Lindita Nikolla në Panairin e Librit: Pjesëmarrje e lartë të rinjsh, lajm i mirë
• “‘Komploti’ një profeci për vitet 2043-2044”- Baro zbulon detaje nga libri i Blushit