Shkrimtari: Panairi, platforma më e mirë për të promovuar leximin

Shkrimtari Ylljet Aliçka tha në një intervistë për Euronews Albania se panairi është platforma më e mirë për të ftuar të gjithë njerëzit të lexojnë, pavarësisht sa të përkushtuar janë ndaj librave apo sa e gjejnë veten ndër faqe shkrimesh të zhanereve të ndryshëm.

Sipas tij, duke vizituar stendat në panair bëhesh pesimist duke menduar a të del koha të lexosh aq shkrimtarë dhe libra të mirë, apo jo.

“Duke vizituar ato stendat bëhesh pesimist se thua do kem kohë ta lexoj dhe këtë, s’do të kem kohë ta lexoj dhe këtë tjetrin. Vërtetoj edhe njëherë që panairi është një nga momentet dhe hapësirat më të mira për të nxitur leximin, për të zgjeruar numrin e lexuesve, për të joshur të rinj e të moshuar, qoftë ata që lexojnë e nuk lexojnë, është një nga platformat më efikase të joshjes ndaj librit. Panairi të josh. Është si puna e një malli tregu, që kur shkon në një dyqan ti patjetër do joshesh, do shikosh,” – u shpreh Aliçka.

LEXONI GJITHASHTU:

• Basha vizitë në Panairin e Librit: PD, program për të mbështetur letërsinë dhe artin
• Basha në Panairin e Librit: Më bëhet zemra mal kur shoh të rinj që lexojnë