Shpërndante kanabis, arrestohet 50-vjeçari në Vlorë, çfarë u sekuestrua

Një 50-vjeçar është arrestuar ditën e sotme në Vlorë pasi shpërndante doza kanabis.

Policia bën me dije se, në kuadër të operacionit të koduar  “Fokus 2”, ka rënë në pranga shtetasi D.Ç.

Gjatë kontrollit fizik dhe kontrollit në banesën e këtij shtetasi, shërbimet e Policisë gjetën rreth 1 kg lëndë të dyshuar narkotike kanabis, të cilën ky shtetas dyshohet se do ta shpërndante në doza, në qytetin e Vlorës, kryesisht në lokalet e natës.

Lënda narkotike u sekuestrua në cilësinë e provës materiale së bashku me 1 aparat celular dhe një shumë parash, që dyshohet se është përfituar nga kjo veprimtari kriminale.

Materialet procedurale i kaluan Prokurorisë pranë Gjykatës së Rrethit Gjyqësor Vlorë për veprime të mëtejshme.

LEXONI GJITHASHTU: 

• Putin zbulon planin mbështetës për ushtarët në Ukrainë dhe familjet e tyre
•  “Priten tërmete të fuqishme për dy vite”, gazetari tregon parashikimin e ekspertëve