Shpërndante lëndë narkotike në zonën e “Astirit”, arrestohet 29-vjeçari

Policia e Tiranës, ka realizuar një operacion në zonën e Astirit, teksa ka arrestuar shtetasin me iniciale E. B., 29 vjeç, banues në Tiranë. I arrestuari merrej me shpërndarjen e lëndëve narkotike, përkatësisht kokainë dhe kanabis.

Gjatë kontrollit fizik, policia sekuestroi dy qese plastike me lëndë narkotike të dyshuar kokainë, të ndara në doza gati për shitje; Një sasi lëndë narkotike kanabis; Tre peshore elektronike që shërbenin për peshimin e lëndëve narkotike; Një shumë parash të dyshuara si të përfituara nga veprimtaria kriminale.

Materialet i kaluan Prokurorisë së Rrethit Gjyqësor Tiranë, për veprën penale “Prodhimi dhe shitja e narkotikëve”.

LEXONI GJITHASHTU:

• Shpërndante kokainë dhe kanabis, arrestohet 27-vjeçari. Çfarë i gjeti policia
• Arrestohet 28-vjeçari në Kamëz, qarkullonte me pistoletë në automjet në rrugën Zyrih