“Shpërthen” tregu i makinave me qira, rritet kërkesa nga turistët

Shqipëria vitet e fundit ështe kthyer në një destinacion mjaft tërheqëse për turistët e huaj. Sektori i turizmit ka regjistruar një rritje të konsiderueshme të vizitorëve që në muajt e parë të pranverës, ku prilli regjistroi rreth 57% më shumë vizitor të huaj sesa vitin e kaluar. Bashkë me këtë rritje, operatorët e komanive të makinave me qëra deshmojnë për një rritje të kërkesës për automjete.

Mungesa e strukturave dhe stacioneve të mira lidhëse të trasportit publik në pikat kyçe turistike të vendit, por dhe dëshira e pavarësisë në lëvizje nga ana tjetër, përbëjnë faktorët kryesor që orientojnë këta turistë drejt tregut të makinave me qira.

Kompanitë e këtij tregu raportojnë për një kërkesë të lartë që në muajt e parë të vitit, rreth 30% më e lartë sesa vitin e kaluar dhe kulmi parashikohet të jetë gjat mujave korrik dhe gusht. Ata kanë marrë masa për të shtuar flotën e tyre për të përballuar këtë fluks.

Janë kryesisht makina të lira dhe ekonomike ato që përbëjnë kërkesën më të madhe për automjete me qera. Hibride ose elektrike janë makinat që zgjedhin kryesisht vizitorët të huaj, por mungesa e stacioneve të karikimit të automjeteve elektrik, dëshmon se Shqipëria nuk është ende gati për të përballuar këtë segment tregu. Destinacionet më të kërkuara janë kryeqyteti por dhe jugu i vendit, ku dominon qyteti i Sarandës.

LEXONI GJITHASHTU: 

• Plazhi më i madh në Detin Jon, Borshi preferohet për çmimet e lira
• Gjermania që dashuron Beratin: Dua nënshtetësinë shqiptare, jetoj këtu që 23  vite