Një shpërthim ka ndodhur në veri të Mitrovicës pak para mesnatës së djeshme.
- Advertisement -
Një mjet shpërthyes, me shumë gjasa granatë dore, është hedhur pranë një prej lokaleve, në kryqëzimin pranë Fakultetit Teknik.
Zv.Drejtori i Policisë së Kosovës për rajonin e Veriut, Veton Elshani, ka konfirmuar për Gazetën Express se dy persona janë plagosur në Veri të vendit si rezultat i shpërthimit.
“Rreth orës 23:50 dyshohet se ka shpërthyer një granatë dore tek Hoteli Bisevac, rruga Knjaz Millosh në Mitrovicë Veri, ku si pasojë e shpërthimit janë dëmtuar rreth 4-5 vetura dhe dy persona janë lënduar. Njëri ka lëndime më të rënda dhe policia është në spital”, ka thënë Elshani për Express.
LEXONI GJITHASHTU:
- Shpërthim në një banesë në Mitrovicë, 13 të lënduar
- Municion, tymuese e uniforma si në Banjskë, gjenden mjete të rrezikshme në Mitrovicë