Shpërthimi me një viktimë në Shkodër, mbërrijnë në ambientet e gjykatës 4 të akuzuarit

Kanë mbërritur në ambientet e gjykatës së shkallës së parë në Shkodër katër të akuzuarit Gerti Bushati, Ergys Ibrahimi, Edison Hasaj dhe Gjergji Zefi për shpërthimin me pasojë vdekjen që ndodhi në Shkodër.

Bushati është personi që akuzohet si autor i vendosjes së lëndës shpërthyese. Ai është identifikuar përmes pamjeve të një kamere sigurie të instaluar në një biznes pranë vendit të ngjarjes. Nga shpërthimi mbeti viktimë 67-vjeçari, Hysni Ymeri.

Fillimisht u raportua se shpërthimi kishte ndodhur brenda boksit të shpërndarjes së energjisë elektrike, por pas ekzaminimit dhe reagimit zyrtar të Operatorit të Shpërndarjes së Energjisë Elektrike ku deklaroi se nuk ka pasur shpërthim te matësit elektrikë.

Shpërthimi u shkaktua nga vendosja e një lënde plasëse në katin e parë. Banorët janë shprehur se Ymeri nuk ishte person problematik dhe është baba i dy fëmijëve.