Shpërthimi në Lushnje ku humbën jetën babë e bir, arrestohet 32-vjeçari

Një person është arrestuar në Lushnje, në kuadër të hetimet për shpërthimin e fuqishëm që ndodhi pak ditë më parë, ku humbën jetën babë e bir, ndërsa u plagosën 7 të tjerë.

Policia bën me dije në pranga ka rënë shtetasi Leonard Gjini 32 vjeç, banues në fshatin Goriçaj, për veprën penale “Shkelja e rregullave të mbrojtjes në punë”, me pasoja të rënda.

“Nga veprimet hetimore dyshohet se ky shtetas, me mosveprimet e tij, duke qenë i autorizuar për kryerjen e ndërtimit të kapanonit, sipas kontratës së sipërmarrjes, ka lejuar kryerjen e punimeve, pa respektuar regulloret përkatese të sigurimit teknik, të disiplines teknike të mbrojtes në punë dhe nuk ka marë masa për zbatimin, duke sjellë pasoja të rënda.

Si pasojë e shpëthimit në kapanonin me lëndë djegëse, në lagjen “Karbunarë e madhe”, më datë 01.03.2024, ndodhi një shpërthim nga i cili humbën jetën 2 shtetas dhe u dëmtuan 7 të tjerë të cilët janë jashtë rrezikut për jetën.

Vijojnë hetimet për dokumentimin e plotë ligjor të rrethanave të kësaj ngjarjeje.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

LEXONI GJITHASHTU: 

• Moska: Ambasadorët perëndimorë po ndërhyjnë në çështjet e Rusisë
• FOTOT| Korça ‘mbulohet’ nga dëbora, trashësia arrin në 10 cm. Si paraqitet situata