Shpëton Kisha e Laçit, shuhen zjarret që rrezikonin vendin e shenjtë

Zjarri pranë kishës së Shna Ndout në Laç, nuk përbën më rrezik.

Në njoftimin e përditësuar nga Ministria e Mbrojtjes, situata është normalizuar në zonën pyjore pranë vendit të shenjtë, por vatrat e zjarrit po mbahen nën monitorim nga forcat zjarrfikëse dhe ato të ushtrisë.

Në zonë ka ende një vatër aktive, ndërsa sipërfaqja përshkruar nga zjarri është mbi 90 hektarë pyll me pisha dhe bimësi.

Flakët janë në afërsi të fshatit Delbnisht, ku ndërhyrja nga toka është e pa mundur për shkak të terrenit.

Helikopteri ka kryer rreth 3 orë fluturime dhe ka bërë 45 rrugë, dukë bërë të mundur që zjarri të mos arrinte në kishë. Për shuarjen e flakëve, po ashtu janë angazhuar 140 Forca të Armatosura, 60 policë dhe 36 zjarrfikës.

Ndërkohë, në pjesën tjetër të territorit të Qarkut, situata paraqitet e qetë.

Fatmirësisht, si pasojë e flakëve që u aktivizuan që prej ditës së martë nuk ka humbje jetë.

Në pranga është vënë një nga autorët e dyshuar për zjarrvënie të qëllimshme. Zjarri ka rënë në sipërfaqe të dendur me pisha të buta kryesisht, si dhe shkurre shqope, mare, dëllinjë.

LEXONI GJITHASHTU:

• Greqia refuzoi ndihmën për zjarret, vjen reagimi i parë nga qeveria shqiptare
• Eurostat: Argëtimi dhe ushqimet mbajnë inflacionin e lartë në Shqipëri