Shpikësit e rinj në Durrës, nxënësit e shkollës profesionale paraqesin punët e tyre

“Një person që vjen dhe përkushtohet për degën që ka ardhur, ka shumë vende pune” – u shpreh nxënësi Klevis Fejza .

Ky është mesazhi i Klevis Fejzës, një i ri nxënës i vitit të katërt në shkollën profesionale “Beqir Çela” në Durrës.

Ai bashkë me bashkëmoshatarë të tij prezantuan shpikjet dhe punimet e tyre në panairin e institucionit arsimor.

Nga mjetet motorike për punimin e tokës, 2 automjete e deri tek realizimi i një tavoline të tërë pune me materiale ricikluese.

Këto janë vetëm disa nga krijimet e prezantuara nga të rinjtë në Durrës.

“Kjo është një pishinë që funksionon me ngrohje, panel diellor dhe me mbetje të riciklueshme. E kemi punuar në  orët e lira”- tha njëri nga nxënësit.

E njohur si një shkollë kryesisht për djem, në Durrës po thyhen “tabutë”.

15-vjeçarja Gledja Bardhi bashkë me dy shoqet e saj janë vajzat e vetme në shkollë.

“Në fillim ishte shumë e çuditshme, normalisht nuk u ndjeva mirë, por tani jemi mësuar. Është një mundësi shumë e mirë për vajat. Të ardhmen e shoh në Shqipëri”- tha Gledja Bardhi.

Arsimi profesional për shumë të rinj është rruga për të plotësuar ëndrrat dhe mesa duket mund të shërbejë dhe si një mënyrë për t’i mbajtur ata në Shqipëri.

LEXONI GJITHASHTU:

• Sportingu i Lisbonës nis bisedimet me Chelsean për Armando Brojën
• A është i njëjtë motori në foto me atë që u gjet në përrua? Përgjigjet eksperti