Shpresë për evakuimin e banorëve në Mariupol

Rusia ka rënë dakord për të evakuuar banorët në Mariupol. Për më shumë se një muaji, qyteti është nën pushtimin rus.

Infrastruktura, godinat e banuara, madje dhe baza e Kryqit të Kuq atje është shkatërruar. Mbi 100 mijë persona ndodhen në kushte ekstreme jetese.

“Ne morëm një mesazh gjatë natës nga Kryqi i Kuq Ndërkombëtar se Federata Ruse konfirmoi gatishmërinë për të krijuar aksesin për autokolonën humanitare në Mariupol përmes qytetit të Berianskut. Dërguam atje 45 autobusë,” – u shpreh zv. kryeministrja e Ukrainës, Irina Vereshçuk.

Vlerësohet se të paktën 5 mijë civilë kanë vdekur si pasojë e rrethimit të Mariupolit. Kryebashkiaku i qytetit, Vaidim Boiçenko i ka kërkuar ndihmë ndërkombëtarëve.

Trupat ruse kanë marrë nën kontroll spitalin e qytetit, ku mungon gjithçka dhe ku në korridore ndodhen disa dhjetëra pacientë të sëmurë e të plagosur. Edhe mjekët mungojnë. Disa prej tyre, sipas qeverisë ukrainase, u transferuan me forcë drejt Rusisë. Vetëm një gjenerator lejon operacionet minimale në sektorin e maternitetit dhe mban gjallë shpresat për të vazhduar jetën.

LEXONI GJITHASHTU:

• Astronautët rusë dhe amerikanë ‘harrojnë’ grindjet për konfliktin në Ukrainë
• Rusia shpall armëpushim në Mariupol