Shqetësime se Putin mund të përdorë armë kimike në Kiev

Perëndimi ka shqetësime serioze se Presidenti rus, Vladimir Putin mund të përdorë armë kimike në Kiev.

Zyrtarë të Perëndimit shprehen se këto dyshime ngrihen pasi Rusia ka bërë të njëjtën gjë dhe në konflikte ku është përfshirë duke përmendur Sirinë.

Gjithashtu, këto dyshime janë forcuar nisur edhe nga pretendimet false nga Rusia se në Ukrainë kanë gjetur dokumente për zhvillimin e armëve biologjike.

Sipas Rusisë, Kievi ka arritur që të zhvillojë armë të tilla në laboratorë me financim nga Departamenti Amerikan i Mbrojtjes.

Zyrtarë dhe mediat në Rusi pretendojnë se ditët e fundit Ukraina planifikonte të ndërtonte bomba me material radioaktiv.

Ministria e Jashtme ruse thotë gjithashtu se Ukraina është përpjekur që të krijojë armë nukleare.

Shumë besojnë se Moska po nxit pretendime të tilla për të justifikuar para publikut të vet pushtimin e Ukrainës.

Ministria e Jashtme ruse deri tani ka pranuar se kanë përdorur në Ukrainë sistem të armëve TOS-1A. Ky sistem përdor raketa termobarike që shkaktojnë efekt shpërthyes dhe djegës.

SHBA thotë se ka të dhëna se Rusia po lëshon ‘bomba qorre’ pa ndonjë objektiv konkret.