Shqipëria 15 vite në NATO, Peleshi: Dëshmi e përkushtimit të palëkundur ndaj vlerave

Shqipëria shënon këtë vit 15 vjetorin e anëtarësimit në Aleancën më të madhe ushtarake në botë, NATO.

Ministri i Mbrojtjes, Niko Peleshi, përmes një postimi në Facebook, është shprehur se rrugëtimi ynë në NATO, është dëshmi e përkushtimit të palëkundur ndaj vlerave të përbashkëta, sigurisë dhe paqes globale.

Po ashtu, nga përfaqësia jonë diplomatike në Bruksel, Peleshi shprehu vlerësimin për kontributin që përfaqësuesit tanë kanë dhënë dhe japin çdo ditë, në këtë rrugëtim.

Reagimi i Peleshit:

Mirënjohje për punën dhe angazhimin e të gjithë përfaqësuesve tanë në #Bruksel dhe në gjithë hapësirën e NATO-s për përfaqësimin dhe për promovimin e interesave tona strategjike dhe kombëtare.

Krenarë që prej 15 vitesh jemi pjesë e Aleancës më të madhe politike dhe ushtarake në botë, si një aleat i denjë dhe i besueshëm!

Rrugëtimi ynë në #NATO, dëshmi e përkushtimit të palëkundur ndaj vlerave të përbashkëta, sigurisë dhe paqes globale. 🇦🇱🤝🌍 #15VjetNëNATO

LEXONI GJITHASHTU:

• Raporti vjetor i NATO-s: Prania e aleancës në Kosovë, kyçe për Ballkanin
• Kandidatja për presidente e RMV sulmon NATO-n