Aktivistët e Shqipëria Bëhet kanë dorëzuar këtë të premte në Kuvendin e Shqipërisë propozimin e një projektligji për shtesa dhe ndryshime në Kodin Zgjedhor. Ata kanë propozuar caktimin e gjithë territorit të Republikës së Shqipërisë si një zonë e vetme elektorale dhe zgjedhjen e kandidatëve me votë të hapur.
Përfaqësues i Shqipëria Bëhet, tha se në rast se propozimet e tyre nuk do të pranohen, ata do të vazhdojnë me veprime të tjera ligjore dhe qytetare pasi këto ndryshime sipas tyre janë të domosdoshme, që zgjedhjet e ardhshme të jenë të drejta e të ndershme.
“Ne paraqesim në Kuvend para të gjithë depoutetëve, projektiligjin për ndryshime në kodin Zgjedhor,sa i takon caktimit të të gjithë territorit të Shqipërisë si një zonë e vetme zgjedhore duke përcaktuar sistemin zgjedhor propocional kombëtar, me lista të hapura, duke mundësuar kështu më në fund që të gjithë qytetarët shqiptarë të kenë një votë të barabartë e të drejtë dhe zgjedhjen e kandidatit që ata duan, me lista të hapura dhe jo të zgjidhen kandidatët nga zyrtarët e partive.
Në rast se nuk do të votohen këto ndryshime, ne do vazhdojmë me hapa të tjerë ligjore siç është ajo e nismës qytetare kur ne kemi filluar procedurat për miratimin e fletës së nënshkrimeve të qytetarëve të cilët me anë të kësaj flete do të paraqesin vullnetin e tyre për të paraqitur në Kuvend nismën ligjore sa i përket ndryshimeve në Kodin Zgjedhor si sa i përket votës së diasporës ashtu edhe sistemeveme lista të hapura. Nëse kjo prape nuk do zbatohet do eskalojë ne veprime të tjera ligjore dhe qytetare”,-tha aktivisti.
LEXONI GJITHASHTU:
- Veliaj: Meta alergji për demokratët, parashikimi ynë për rezultatin e zgjedhjeve
- “Shqipëria Bëhet” takim në Londër, Lapaj: E kemi ndarë mendjen për ta çuar në fund
