Themeluesi i kompanisë ajrore Wizz Air, Jefzos Varandi e sheh Shqipërinë si një destinacion tërheqës për turistët europianë.

Në emisionin “Now” në “Euronews Albania”, Varadi tha se kjo është një nga arsyet pse ai vendosi që të operojë në tregun shqiptar.

Arsyeja tjetër sipas tij, është fakti që shqiptarët udhëtojnë shumë, si për punë ashtu edhe për biznes.

“Shqipëria është një përbërës thelbësor për vendin tonë. Së pari, njerëzit udhëtjnë shumë, udhëtojnë për punë por udhëtojnë edhe për biznes. Së dyti, shoh se Shqipëria po bëhet tërheqëse si një destinacion turistik për europianët por po shikojmë edhe në plane turistike që njerëzit kërkojnë destinacione të reja. Shqipëria është një nga këto vende që do sjellë tërheqje për europianët”, u shpreh Varadi.

LEXONI GJITHASHTU

• Varadi: Mbështetje nga drejtuesit e ri të aeroportit për Wizz Air në Shqipëri
• Wizz Air drejt shtimit të linjave të reja ajrore në Shqipëri