Shqipëria financon pak arsimin| buxheti, 10 herë më pak se mesatarja e OECD

Buxheti për arsimin në Shqipëri nuk e ka arritur asnjëherë nivelin prej 5 për qind të Prodhimit të Brendshëm Bruto, niveli minimal i sugjeruar nga Organizata për Bashkëpunim Ekonomik e Zhvillim.

Për këtë vit, buxheti i ndarë ishte 390 milionë euro, ku një e treta ndahej për arsimin parauniversitar. Në mars, buxheti për arsimin u ul në 370 mln euro, ndërsa me ndryshimet e fundit të korrikut u rrit në 385 milionë euro. 

Në krahasim me vitin e kaluar buxheti pësoi rritje, por ajo shkoi kryesisht për pagat, që u rritën me 6 për qind për 36 mijë mësuesit e arsimit parauniversitar bazë dhe atij të mesëm. 

Shqipëria shpenzon 850 euro në vit për arsimimin e çdo nxënësi dhe student. Situata nuk pritet që të ndryshojë të paktën deri në 2024, ku qeveria parashikon të ruajë të njëjtin nivel financimi për këtë sektor.  

Mesatarja e vendeve të OECD është mbi 10 mijë euro. Mes këtyre vendeve, Luksemburgu është në krye të listës me shpenzimin më të lartë prej 23 mijë eurosh për çdo nxënës e student.  

LEXONI GJITHASHTU:

• Shqipëria me arsim të detyrueshëm për 9 vite, në BE arrin deri në 15 vjet