Shqipëria kosto të larta, Organizata Botërore: 1 person do 4,4 $ në ditë për ushqim

Shqiptarët shpenzojnë pjesën më të madhe të të ardhurave të tyre vetëm për tu ushqyer.

Organizata botërore e Ushqimit, ka përllogaritur se një personi në vendin tonë i duhet të harxhojë 4.4 USD në ditë për ushqim që të plotësojë  nevojat e një diete normale,

Kjo bën që Shqipëria  të renditet e para në rajon dhe e 28-ta në nivel global,  për kostot e larta të dietës ushqimore ditor.

Xhamajka është vendi I parë në botë për kostot më të larta të jetesës me 7.7 dollarë për person, ndërsa Britania e Madhe ka koston më të ulët me vetëm 2 dollar për person në ditë.

Sipas ekspertëve Indeksi i kostos së dietës ushqimore  në Shqipëri është i lartë, për shkak të pagave të ulëta dhe çmimet e larta, që në disa produkte janë edhe më të larta se në vendet e BE-se.

Çmimet e ushqimeve në Shqipëri janë sa 83.7% e mesatares së Bashkimit Europian, e treta më e shtrenjtë në rajon, pas Serbisë me 89.7%  dhe malit të Zi me 85.8%. Më të lirat në rajon janë çmimet në Maqedoninë e Veriut, me 68.2% e mesatares së BE-së. TABELE

TABELE

Çmimet e ushqimeve në raport me BE

Serbi              89.7% e mesatares së BE

Mali i Zi        85.8%. e mesatares së BE

Shqipëri         83.7% e mesatares së BE

Maqedoni e Veriut    68.2% e mesatares së BE

LEXONI GJITHASHTU: 

• Nutricionisti: Nëse hani pas orës 9 të darkës, ushqimi rri 6 orë në organizëm
• Bodybuilderja shqiptare tregon sakrificat: Kam shkuar në dasmë me ushqim me vete