Shqipëria në Europianin e Notit| Marrin pjesë 8 atletë, synohet olimpiada e Parisit

Lojërat olimpike janë synimi i çdo sportisti, teksa diçka të tillë synon të arrijë dhe kombëtarja shqiptare në not.

Aktualisht kuqezinjtë po marrin pjesë në europianin e notit që zhvillohet në Beograd, ku marrin pjesë 8 garues.

4 sportistë janë në garën për femra dhe 4 në garën për meshkuj, ndërsa ekipi drejtohet nga dy trajnerët Arian Fetishaj e Eduart Cane.

Kompeticioni është i një rëndësie të veçantë për faktin se 2 prej përfaqësuesve tanë do të sigurojnë biletën për në lojërat olimpike, të cilat nisin më 26 korrik dhe përfundojnë në 11 gusht, e mbahen në Paris.

Gresi Koxhaku u rendit i katërti në garën 50m stili flutur, ndërsa ishte shumë pranë vendit të tretë të cilin e mori rumuni Gergeli, ndërsa në vendi i parë i takon hungarezit Kos.

Kujtojmë se Koxhaku është një prej favoritëve për të marrë pjesë në lojërat olimpike, ndërsa përfaqësues do të ketë dhe nga ekipi i vajzave.

NË garë ishin dhe 3 garuesit e tjerë kuqezi, Dermishi, Xhemollari e Qarri, që dhanë maksimumin e tyre. Kampionati europian i notit është duke u zhvilluar në Beograd dhe mbyllet më 23 qershor.

LEXONI GJITHASHTU:

• Sukses në notin shqiptar, 18-vjeçari fiton garën e 50 metrave në Botërorin e Doha
• VIDEO| Noti në detin e ftohtë, mbi 65.000 njerëz në tubimin tradicional në Holandë