Shqipet e Brukselit, kuqezinjtë në zemër të Europës, diaspora më aktive

Brukseli është një ndër vendet ku kryqëzohen më së shumti rrugët e shqiptarëve. Dhe kjo jo vetëm në aspektin social, por edhe atë politik, ku jo pak herë gjendemi sy e veshë aty për të parë ndonjë dritë jeshile për proceset e integrimit.

Megjithëse shqiptarët e suksesshëm nuk mungojnë në asnjë skaj të botës, duket se kryeqyteti i Belgjikës është një ndër kryesuesit e destinacioneve që ka mikëpritur dhe mikpret mërgimtarë nga të gjithë trojet shqipfolëse.

Prej vitesh ata tashmë kanë ndërtuar dhe konsoliduar një komunitet elitar të mirëorganizuar, që ka në themel rruajtjen e rrënjëve që e lidhin me tokën amë.

Ndërkohë, përveç kultivimit të vlerave tona kombëtare, ata kanë mundur të përfaqësohen edhe me deputetin e tyre në Parlamentin e Brukselit përmes deputetit me origjinë nga Kukësi Ahmet Gjanaj.

Gazetarja Ilinisa Agolli, në ndalesën e saj të radhës është ndalur pikërisht në Belgjikë, ku ka dokumentuar jetën e shqiptarëve të vendosur aty.

“DownTown” sjell emocionet e këtij rrugëtimi me bashkatdhetarët tanë dhe mikëpritësit e tyre si një kartolinë e bukur për të djeshmen, të sotmen, pse jo edhe të nesërmen. Shiheni videon e plotë.

LEXONI GJITHASHTU:

• Gjurmët e Arbërisë dhe sakrificat e shqiptarëve për t’i ruajtur
• Shqiptarët e Gjermanisë, rrëfejnë jetën nga qyteti antik Heidelberg