Shqiptari: 20 Euro kushton kafja që del nga jashtëqitja e kafshës Luwak

Ndoshta keni dëgjuar për atë që njihet si një ndër llojet më të shtrenjta të kafesë në botë, madje mund të jetë më e shtrenjta. Bëhet fjalë pikërisht për kafen që prodhohet nga jashtëqitja e kafshës së quajtur “LUWAK“.

Shqiptari Erjan Guxha në një intervistë për emisionin “Good Morning Albanians” në Euronews Albania, tha se e ka provuar kafen dhe se për të pirë një kafe kushton 20 euro.

Mes tjerash ai theksoi se për ta blerë kafen me kilogram, e përpunuar shkon  rreth 200 euro ndërsa e egër shkon më shumë se 1 mijë euro.

“Kafja tani për ta provuar është diku te 20 euro, ndërsa për të marrë një kilogram kafe, aty varet, nëse është e përpunuar në fermë, kushton nga 100 deri në 200 euro, nëse është e egër, shkon deri në 1 mijë ose 1 mijë e ca euro”-tha ai.

LEXONI GJITHASHTU: 

• Baka: Koha e qëndrimit të dronit 20 minuta, filmon “live” shkeljet rrugore
• “Bën takime me 5 persona, i shet sikur janë 15”- Shehu: Si e ironizoi Rama deputetin