Studiuesi Behar Gjoka tha për “Review” në Euronews Albania se është e rëndësishme të vihet dorë te gjuha shqipe, por jo politikisht.

Sipas tij gjuha duhet ndihmuar shkencërisht në mënyrë që të rimëkëmbet nga copëtimet që i janë bërë.

“Të mbrosh gjuhën do të thotë të mbrosh veten, kulturën dhe identitetin. Rreziku i ruajtjes së shqipes është ndjerë gjithmonë. Gatishmëria e shqiptarit për t’u tjetërsuar në emër e në shumëçka, edhe në marrëdhënie me gjuhën, është gjëja më e lehtë,” – u shpreh studiuesi.

Gjoka përmendi se për administratën duhet parë me kujdes kërkesa për punë. Nëse edhe në prezantimin e parë me punëmarrësit ka gabime, e mira është të mos pranohen në punë.

LEXONI GJITHASHTU:

• Studiuesja: Gjuha shqipe është bastarduar kryesisht nga media
• Gjuhëtari: Të bëhet provim në gjuhën shqipe para se të futen në universitet