“Shqiptaria është me Shkupin!”, protestë në Tiranë në mbështetje të studentëve shqiptarë në RMV

Studentëve shqiptarë kanë organizuar një protestë në Tiranë në mbështetje të moshatarëve të tyre në Maqedoninë e Veriut që kërkojnë të drejtën për të realizuar provimet në gjuhën shqipe.
Studentët u grumbulluan në sheshin Skënderbej ku mbajtën disa fjalime dhe më tej nisën marshimin drejt ambasadës së Maqedonisë së Veriut në Tiranë.

Studentëve shqiptarë kanë organizuar një protestë në Tiranë në mbështetje të moshatarëve të tyre në Maqedoninë e Veriut që kërkojnë të drejtën për të realizuar provimet në gjuhën shqipe.

Në fjalën e mbajtur një prej studentëve nga Maqedonia e Veriut tha se gjuha shqipe është amanet dhe identitet kombëtar ndaj ata nuk do heshtin deri në arritjen e të drejtës së tyre legjitime.

 “Na thanë se jemi vetëm, se do të lodhemi! E kishin gabim! Kush foli për ju, kush flet për ne, heshtën? Gjuha shqipe është kujtesa jonë, amaneti që na kanë lënë brezat që nuk u përkulën kurrë. Gjuha na mbajti gjallë kur perandoritë erdhën dhe ranë. Gjuha na bashkoi kur na ndanë. Sot na thonë se duhet të kërkojmë leje për ta përdorur? Jo, kurrë! Ne s’kemi karrige për të ruajtur! Ne kemi vetëm gjuhën tonë”, tha njëri prej protestuesve nga Maqedonia e Veriut.