Shqiptarja nderohet nga Charles III: Do të jem në pallatin mbretëror për ceremoninë

Sipërmarrësja Remzije Zeka Sherifi është dekoruar me urdhrin e dytë më të lartë të Mbretërisë britanike.

Ky titull u mor për herë të parë nga aktivistja me origjinë nga Gjilani dhe është krijuar që në vitin 1917.

Producentja tregoi se do të jetë e pranishme në pallatin mbretëror për ceremoninë e ndarjes së çmimit.

“Ky çmim iu jepet personaliteteve që në fusha të ndryshme kanë dhënë kontribut të jashtëzakonshëm dhe kanë arritur suksese të jashtëzakonshme në të gjitha fushat, prej sportit, shkencës, kulturës dhe pikërisht kjo më bën të ndihem edhe më krenare që jam shqiptare dhe që përfaqësoj kombin shqiptar në këtë nivel kaq të lartë,” – u shpreh Zeka Sherifi.

Ajo shtoi se ka marrë dhe disa dekorata të tjera, por nuk e kishte menduar se do të dekorohej me këtë çmim që është i dyti për nga rëndësia në Mbretërinë e Bashkuar.

LEXONI GJITHASHTU:

• Shqiptarja merr dekoratë nga Mbreti Charles
• Banka e Anglisë zbulon një dizajn të ri kartëmonedhash me mbretin Charles III