Shqiptarja që punon për LinkedIn: Fitova 4 orë pas aplikimit

Shqiptarja Hava Maloku jeton dhe punon në Shtetet e Bashkuara të Amerikës.

Ajo ushtron profesionin e menaxheres së marketingut për kompaninë LinkedIn. Në një intervistë për “Good morning Albanians” në Euronews Albania ajo tregoi se fillimisht e nisi me financën, por kriza në Amerikë e çoi deri te marketingu.

Maloku tha se pozicionin e punës në LinkedIn e fitoi duke aplikuar po në LinkedIn dhe duke marrë një përgjigje pas 4 orësh.

“Kemi pasur 8 intervista deri në 10, 3 raunde të intervistave, nga 4-5 orë,” – u shpreh ajo, ndërsa shtoi se në intervistën e fundit me zv. presidentin e kompanisë shkoi me vonesë për shkak të trafikut.

Fatmirësisht ai pranoi të zhvillonin intervistën dhe Maloku i tregoi se në po të njëjtën ditë do të udhëtonte për Kosovë. Ajo u shpreh se pikërisht në aeroport e kanë telefonuar për t’i thënë se ka fituar vendin e punës.

LEXONI GJITHASHTU:

• Testi i personalitetit më i famshëm në botë – cili jeni ju?
• Kurti njofton ndarjen nga jeta të ish-bashkëpunëtorit