Shtohen llogaritë bankare bankare në Shqipëri, 78% e njerëzve me karta banke

Rreth 78% e popullsisë në moshë madhore ka të paktën  një llogari bankare dhe kjo shifër mund të arrijë deri në masën 85%, nëse përfshihen dhe llogaritë e pagesave të ofruara nga institucionet e parasë elektronike.

Regjistri i llogarive që mban Banka Qendrore, tregon se pagesat elektronike janë rritur ndjeshëm vitet e fundit, duke e çuar numrin e pagesave për frymë në 21 këtë vit, nga 4 që ishin në vitin 2017.

Rritje të konsiderueshme kanë paraqitur pagesat me kartë duke arritur në 11 pagesa për frymë në vitin 2023, nga 5 pagesa për frymë që ishte ky tregues në vitin 2020.

Orientimi drejt parasë elektronike i shërben vendit tonë edhe në rrugën e integrimit, ku vetë Shqipëria ka aplikuar për t’u bërë anëtare e SEPA-s, sistem i cili garanton trajtimin e shtetasve shqiptarë në mënyrë të njëtrajtshme me ata evropianë në fushën e pagesave dhe ul ndjeshëm komisionet e transfertave të parave.

LEXONI GJITHASHTU:

• “Taksa të padrejta, po largoni të rinjtë”,shoqëria civile protestë para Kushtetueses
• “Taksa 23%, gjoba e re për profesionistët”, Tabaku: 11 mijë biznese janë mbyllur