Shtohen sëmundjet neurologjike, mjekja: Është ulur mosha e pacientëve të shtruar

Sëmundjet neurologjike janë renditur të parat në botë për nga shpeshtësia dhe frekuenca në raport me sëmundjet e tjera.

Mjekja neurologe Entela Basha, thotë për Euronews Albania, se gama e gjerë e sëmundjeve bën që çdo familje të ketë të paktën një person me probleme neurologjike.

Konsultat për këto probleme tek mjekët specialistë në poliklinikë janë rritur, e po ashtu dhe shtrimet në spital, ku vitet e fundit ka dhe ulje të moshës për infarktet e trurit.

Në varësi të sëmundjes është edhe grupmosha. Faktorët janë të shumtë, nisur nga ata gjenetikë e deri tek mënyra e jetesës.

Ajo çfarë mjekët kërkojnë është që të bëhet kujdes me stilin e jetesës, ndërsa apelojnë që të mos neglizhohet asnjë simptomë, qoftë kjo dhe një dhimbje koke.

LEXONI GJITHASHTU:

• Rikthehet Sifilizi e Gonorea, gjinekologia: Ndërrimi i partnerëve shton sëmundjet
• Sëmundjet seksuale të transmetueshme, mjekët: Kemi rritje të rasteve te të rinjtë