Shtyhet gjyqi për PD, Gazment Bardhi depoziton kërkesë për përjashtimin e gjyqtares

Seanca e parashkikuar për këtë të enjte në Gjykatën e Apelit u shty për të 5-tën herë, duke caktuar si datë të ardhshme 17 janarin e vitit tjetër, lidhur me ankimin e Enkelejd Alibeajt, i cili ka kërkuar që vendimet e këtyre dy kuvendeve të regjistrohen bashkë.

Në cilësinë e Sekretarit të Përgjithshëm të Partisë Demokratike, Gazmend Bardhi ka depozituar një kërkesë për përjashtim të gjyqtares Irida Kacerja.

Kjo, pasi sipas avokatit Rezart Kthupi, nga PD e ka vlerësuar si paragjykim faktin që seancën e kaluar gjykata kërkoi saktësim të aktit të përfaqësimit.

Shqyrtimi i kësaj çështje në Gjykatën e Apelit edhe në rast vendimmarrje nuk do të zgjidhte asgjë në mënyrë përfundimtare sa i takon statutit të Partisë Demokratike që njihet ligjërisht.

Në rastin më të mirë për grupin e Enkelejd Alibeajt, nëse gjykata do e pranojë kërkesën, atëherë çështja do të rikthehej në shkallën e parë të gjyqësorit.

Në gjykatën e apelit nga grupi i Enkelejd Alibeajt ka edhe një tjetër cëshje, sic është ankimimi ndaj vendimit të gkyqtarit Agron Zhukri I cili ka njohur statutin e dalë nga Kuvendi që thirri Sali Berisha më 11 dhjetor 2021.

Për këtë çështje ende nuk ka një datë shqyrtimi nga Gjykata e Apelit. Nëse Apeli do të pranonte kërkesën e Alibeajt, do i hapej rruga e mbetjes në fuqi të vendimeve që kanë dalë nga kuvendi 18 dhjetorit.

LEXONI GJITHASHTU

• Shtyhet vendimi i Apelit për PD-në, kërkohet përjashtimi i gjyqtares së çështjes
• Shtyhet për të disatën herë vendimi i Gjykatës së Apelit për PD-në
• Shyhet sërish vendimi i Gjykatës së Apelit për PD-në