Shtyhet pretenca për Ardian Çapjan, shkak mungesa e avokatëve

Është shtyrë seance gjyqësore e planifikuar të mbahej këtë të mërkurë për Ardian Çapjan dhe të pandehurve të tjerë, të akuzuar për vrasjen e  babë e bir, Gentian e Nezir Beqiraj.

Në seancën ku pritej të jepej pretenca nga organi i akuzës, mungesa e avokatëve të të pandehurit Olsi Leku, ka sjellë dhe shtyrjen e gjyqit.

Seanca e radhës u planifikua më 18 janar 2023, në orën 12:00.

Kujtojmë se akuzat ndaj Ardian Çapjas u ngritën mbi bazën e dëshmive të bashkëpunëtorit të drejtësisë, Ervis Bardhi, i cili mes të tjerash ka thënë se Ardian Çapja i kishte ofruar 50 mijë euro për vrasjen e Gentian Beqirit dhe babait të tij Nezirit.

“Pata tre takime me Florenc dhe Ardian Çapjen. Ardiani më tha kush shkon atje lart tek Gent Beqiri do të vritet. E pranova ta vrisja me Olsi Lekun vetëm për lekët. S’kisha asnjë konflikt me Beqirin”, u shpreh ai.

LEXONI GJITHASHTU:

• Daci: Përdoruesit e dinë më mirë se policia se ku shpërndahet kokaina në Shqipëri
• “Oficeri godet me grusht qytetarin”, policia sqaron ngjarjen