Shtyhet seanca paraprake për Erion Veliajn

Seanca paraprake për kryebashkiakun e Tiranës, Erion Veliaj është shtyrë për në datën 17 nëntor. Në seancën e sotme ka lexuar parashtrimet vetëm prokurori Altin Dumani duke kërkuar kalimin e çështjes për gjykim ndërsa në seancën e radhës do të jenë konkluzionet e mbrojtës.

Veliaj nuk ishte i pranishëm në seancë, por u përfaqësua nga avokatët e tij. Erion Veliaj u arrestua më 10 shkurt në zyrën e Bashkisë. Ai u arrestua si i dyshuar për kryerjen e veprës penale të “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë) dhe “Pastrimi i produkteve të veprës penale ose veprimtarisë kriminale”.

Sipas SPAK Veliaj edhe bashkëshortja e tij, Ajola Xoxa kanë ideuar, krijuar dhe vënë në funksionim një mekanizëm që ka marrë përfitime të parregullta, të cilat burojnë nga fondet publike që administrohen nga Bashkia Tiranë.

LEXONI GJITHASHTU:

• Apeli i GJKKO prish vendimin për Aurel Zarkën, kthen çështjen për rigjykim
• Berisha njofton ditën e protestës së Partisë Demokratike