Seanca e sotme në GJKKO për cështjet Gërdeci është shtyrë me kërkesë të ish-ministrit të Mbrojtjes Fatmir Mediu.

Në kërkesën e tij Mediu shprehet se ai dëshironte të ishte i pranishëm ne seancën e sotme, por e kishte të pamundur për shkak të seancës për buxhetin në Parlament.

Seanca e radhës u la për në 14 dhjetor. Në seancën e radhës do të vijnë 7 dëshmitarë, mes tyre Aldo Bumçi dhe Shkëlzen Berisha, djali i ish-kryeministrit Sali Berisha.

Ish-ministri i Mbrojtjes, Fatmir Mediu është vënë nën akuzë nga SPAK për çështjen “Gërdeci”, ku nga shpërthimi i ndodhur në fabrikën e municioneve atje, humbën jetën 26 persona.

Mediu po gjykohet në GJKKO për çështjen “Gërdeci” për dy akuza atë të “Shpërdorimit të Detyrës” dhe “Shpërdorim i detyrës në bashkëpunim me subjekt ushtarak-kuadër komandues”.

LEXONI GJITHASHTU:

• Si u përzgjodh Gërdeci për demontimin e municioneve, dëshmon ish-sekretari i MM
• Dëshmitari i “Gërdecit”: Ishte gabim njerëzor, s’kam parë zyrtarë shtetëror aty