Shtyhet sërish me kërkesë të SPAK gjyqi i Fatmir Mediut

Gjyqi i Fatmir Mediut është shtyrë sërish me kërkesë të SPAK për datën 7 korrik.

SPAK e akuzon atë për shpërdorim detyre dhe për shpërdorim detyre në bashkëpunim me kuadër komandues ushtarak.

Avokati Dorjan Matlija, do të përfaqësojë 109 persona të familjeve të viktimave dhe të plagosurve në tragjedinë e Gërdecit.

Në seancën e sotme u paraqitën dhe familjarë të tjerë krahas Zamira dhe Feruzan Durdës që paraqiten rregullisht në çdo seancë. E pranishme ishte dhe Afërdita Canga e cila ka humbur bashkëshortin në tragjedinë e 15 marsit 2008.

Mediu ka kërkuar gjykim të shkurtuar, ndërsa SPAK pritet që të shpallë pretencën.

Mediu i ka mohuar akuzat në gjykatë dhe ka deklaruar se në cilësinë e ministrit të Mbrojtjes ka zbatuar vetëm VKM-të e dala për demontimin e armëve.

LEXONI GJITHASHTU:

• “Asnjë përfitim financiar”, Fatmir Mediu: Ja si u negociua ardhja e muxhahedinëve
• Mediu-opozitës: Duhen lista të hapura, zelli për udhëheqësin po na lë pa shqiptarë