Si do vazhdojë revolucioni? Berisha: 3 marsi s’ka lidhje me vendimin e gjykatës

Një ditë pasi u zbulua data e protestës kombëtare të radhës dhe një ditë para protestës përballë Kuvendit, Sali Berisha mblodhi Grupin Parlamentar.

Gjatë këtij takimi me deputetët demokratë, Berisha hodhi poshtë lidhjet që mund të bëhen mes protestës së opozitës dhe gjyqit për vulën në Gjykatën e Apelit.

Më tej, Berisha zbuloi se si do të vazhdojë ajo që ai e ka cilësuar revolucion për të larguar Ramën.

“Theksoj se protesta ka vetëm një objektiv: Edi Ramën, Edi Ramën, Edi Ramën. Nuk ka të bëjë as me gjykatën, as me institucionet e tjera. Ne nuk bëjmë veprime në paragjykim. PD e ka vendimin e gjykatës. Gjykimi është për të pranuar palë Alibashën. Nuk ka gjykatë, pse e bëri Blerina Muçi nën ndikimin e Edi Ramës dhe Yuri Kim, të tjerë nuk mund ta bëjnë një akt të tillë sepse përmbyset sistemi i drejtësisë nëse shpall palë atë që nuk ka qenë palë, ti hap rrugën e rrëzimit të çdo vendimi gjyqësor me urdhra politikë.

Objektivi ynë është Edi Rama, ky është një armik i egër që po bën gjithçka për të shpëtuar lëkurën e tij, pasi ka kryer vepra të tmerrshme, akte të pabesisë ekstreme ndaj SHBA, NATO-s, sigurisë së tyre, por edhe akte antikushtetuese ndaj demokracisë dhe pluralizmit në Shqipëri”, theksoi kryedemokrati.

Sipas vendimit të marrë nga Kryesia e Partisë Demokratike, protesta kombëtare e 3 marsit do të paraprihet nga protesta më të vogla përballë Kuvendit çdo herë që do të ketë seanca plenare.

LEXONI GJITHASHTU

• Meta sqaron foton me Agron Nezën: Njihemi prej vëllait të tij
• Berisha përjashtohet 10 ditë nga Kuvendi, jashtë seancave dhe Noka, Paloka e Këlliçi
• “Solidaritet me PD”, Meta i bashkohet protestës së 3 marsit: Çështja e vulës …