Një aksident i rëndë automobilistik ka ndodhur në aksin rrugor “Këlcyrë-Përmet”, ku për pasojë kanë humbur jetën 8 shtetas. 7 nga viktimat janë nga vendet e treta dhe viktima tjetër, drejtuesi i automjetit nga Shkodra.

Gazetarit Blerim Kore në një lidhje të drejtpërdrejt për emisionin “Now” në Euronews Albania, tregoi se si futen emigrantët në Shqipëri, ndërsa shtoi se për të shkuar në vendet e BE, ata paguajnë deri në 7 mijë euro.

“Të 7 viktimat kanë qenë klandestinë nga vendet e treta. Kemi klandestinë nga Siri, nga Palestina, nga Afganistani që vijnë ilegalisht në Greqi dhe nëpërmjet vijës së gjelbër së kufirit tokësor mes Shqipërisë dhe  Greqisë kalojnë ilegalisht në vendin tonë. Kuptohet që destinacioni përfundimtar nuk është në vendin tonë, por vendet e BE. Këta njerëz kalojnë përmes kufirit me këmbë dhe automjete të caktuara të trafikantëve i presin anës rrugës kombëtare ku këta emigrantë hyjnë dhe udhëtojnë ose në drejtim të Kosovës ose në drejtim të Malit të Zi, kundrejt shumave respektive. Emigrantët për të kaluar drejt vendeve të BE, shpenzojnë rreth 7 mijë euro”-tha ai.

LEXONI GJITHASHTU:

• E rëndë| Aksident me 8 të vdekur në aksin “Këlcyrë-Përmet”
• EMRI| Identifikohet drejtuesi i mjetit në aksidentin tragjik në Këlcyrë