Si mund ta fitojë opozita Tiranën në zgjedhjet vendore, sipas Fatmir Mediut

Kryetari i Partisë Republikane, Fatmir Mediu deklaroi se e vetmja rrugë që ka opozita për të fituar Tiranën në zgjedhjet e ardhshme vendore, është që të zgjedhë kandidatin që do kryeqyteti.

Në një intervistë për Euronews Albania, Mediu nënvizoi se është e rëndësishme që opozita të krijojë një ekip të ri dhe t’u tregojë qytetarëve se çfarë mund të ofrojë.

“Unë mendoj që e vetmja rrugë që opozita të fitojë Tiranën, është të zgjedhë qytetarin që do Tirana. Prandaj thashë që primaret në Tiranë, të organizuara në debat racional, do ishte gjëja më e mirë. Ne duhet të zhvillojmë një debat racional, e rëndësishme është sesa qytetarë të Tiranës do të dalin për të votuar.

E rëndësishme është që çfarë ne ofrojmë në raport me qytetarët e Tiranës. Qytetarët e Tiranës duan të dinë se çfarë bëhet më mirë. Ne duhet të krijojmë një ekip me njerëz që frymëzojnë”, theksoi Mediu.

Ndër të tjera, ai tha se nuk e sheh veten si kandidat për kryebashkiak në zgjedhjet vendore.

LEXONI GJITHASHTU

• A do të kandidojë për kryebashkiak? Flet Fatmir Mediu
• Fatmir Mediu: Nuk kam ndërhyrë në negociatat midis PD dhe PL për zgjedhjet vendore
• Vetting për politikanët? Propozimin për të rivlerësuar veten, deputetët e rrëzuan