Si shfaqet situata në Zveçan një ditë pas përplasjes, gazetari sjell detaje

Gazetari i Euronews Albania, Kosovë Gjoci raportoi nga Veriu aty ku situata këtë të martë duket e qetë.

Në Zveçan, ku ndodhi dhe përplasja e madhe mes ushtarëve të KFOR-it dhe protestuesve serbë duket se nuk ka më tension, sidoqoftë kordoni është i vendosur përballë godinës së komunës.

“Numri i qytetarëve që janë mbledhur në këtë komunë është shumë më i vogël, është raportuar në informacionet e fundit të KFOR-it se numri i ushtarëve të lënduar ka shkuar në 30, ndërkohë sa i përket situatës në Leposaviç dhe Zubin Potok, sikurse dhe dje ka qytetarë të mbledhur në këto komuna, por të paktën deri më tani nuk është raportuar për telashe,” – u shpreh Gjoci.

Ai sqaroi se kryetarët do të jenë në vendet e tyre të punës fizikisht.

LEXONI GJITHASHTU:

• Serbët nisin grumbullimet në Veri, kryetari i Zveçanit e kalon natën në zyrë
• KFOR u kërkon palëve të marrin “përgjegjësinë e plotë” për ngjarjet në Veri